Sri Rama Apaduddharaka Stotram in Sanskrit, English with Meaning

Sri Rama Apaduddharaka Stotram

आपदामपहर्तारं दातारं सर्वसम्पदां
लोकाभिरामं श्रीरामं भूयो भूयो नमाम्यहम् ।

āpadāmapahartāraṃ dātāraṃ sarvasampadāṃ
lokābhirāmaṃ śrīrāmaṃ bhūyo bhūyo namāmyaham .

नमः कोदण्डहस्ताय सन्धीकृतशराय च
दण्डिताखिलदैत्याय रामायापन्निवारिणे ॥ १॥

namaḥ kodaṇḍahastāya sandhīkṛtaśarāya ca
daṇḍitākhiladaityāya rāmāyāpannivāriṇe .. 1..

आपन्नजनरक्षैकदीक्षायामिततेजसे ।
नमोऽस्तु विष्णवे तुभ्यं रामायापन्निवारिणे ॥ २॥

āpannajanarakṣaikadīkṣāyāmitatejase .
namo’stu viṣṇave tubhyaṃ rāmāyāpannivāriṇe .. 2..

पदाम्भोजरजस्पर्शपवित्रमुनियोषिते ।
नमोऽस्तु सीतापतये रामायापन्निवारिणे ॥ ३॥

padāmbhojarajasparśapavitramuniyoṣite .
namo’stu sītāpataye rāmāyāpannivāriṇe .. 3..

दानवेन्द्रमहामत्तगजपञ्चास्यरूपिणे ।
नमोऽस्तु रघुनाथाय रामायापन्निवारिणे ॥ ४॥

dānavendramahāmattagajapañcāsyarūpiṇe .
namo’stu raghunāthāya rāmāyāpannivāriṇe .. 4..

महिजाकुचसंलग्नकुङ्कुमारुणवक्षसे ।
नमः कल्याणरूपाय रामायापन्निवारिणे ॥ ५॥

mahijākucasaṃlagnakuṅkumāruṇavakṣase .
namaḥ kalyāṇarūpāya rāmāyāpannivāriṇe .. 5..

पद्मसम्भवभूतेशमुनिसंस्तुतकीर्तये ।
नमो मार्ताण्डवंश्याय रामायापन्निवारिणे ॥ ६॥

padmasambhavabhūteśamunisaṃstutakīrtaye .
namo mārtāṇḍavaṃśyāya rāmāyāpannivāriṇe .. 6..

हरत्यार्तिं च लोकानां यो वा मधुनिषूदनः ।
नमोऽस्तु हरये तुभ्यं रामायापन्निवारिणे ॥ ७॥

haratyārtiṃ ca lokānāṃ yo vā madhuniṣūdanaḥ .
namo’stu haraye tubhyaṃ rāmāyāpannivāriṇe .. 7..

तापकारणसंसारगजसिंहस्वरूपिणे ।
नमो वेदान्तवेद्याय रामायापन्निवारिणे ॥ ८॥

tāpakāraṇasaṃsāragajasiṃhasvarūpiṇe .
namo vedāntavedyāya rāmāyāpannivāriṇe .. 8..

रङ्गत्तरङ्गजलधिगर्वहृच्छरधारिणे ।
नमः प्रतापरूपाय रामायापन्निवारिणे ॥ ९॥

raṅgattaraṅgajaladhigarvahṛccharadhāriṇe .
namaḥ pratāparūpāya rāmāyāpannivāriṇe .. 9..

दारोपहितचन्द्रावतंसध्यातस्वमूर्तये ।
नमः सत्यस्वरूपाय रामायापन्निवारिणे ॥ १०॥

dāropahitacandrāvataṃsadhyātasvamūrtaye .
namaḥ satyasvarūpāya rāmāyāpannivāriṇe .. 10..

तारानायकसङ्काशवदनाय महौजसे ।
नमोऽस्तु ताटकाहन्त्रे रामायापन्निवारिणे ॥ ११॥

tārānāyakasaṅkāśavadanāya mahaujase .
namo’stu tāṭakāhantre rāmāyāpannivāriṇe .. 11..

रम्यसानुलसच्चित्रकूटाश्रमविहारिणे ।
नमस्सौमित्रिसेव्याय रामायापन्निवारिणे ॥ १२॥

ramyasānulasaccitrakūṭāśramavihāriṇe .
namassaumitrisevyāya rāmāyāpannivāriṇe .. 12..

सर्वदेवाहितासक्त दशाननविनाशिने ।
नमोऽस्तु दुःखध्वंसाय रामायापन्निवारिणे ॥ १३॥

sarvadevāhitāsakta daśānanavināśine .
namo’stu duḥkhadhvaṃsāya rāmāyāpannivāriṇe .. 13..

रत्नसानुनिवासैक वन्द्यपादाम्बुजाय च ।
नमस्त्रैलोक्यनाथाय रामायापन्निवारिणे ॥ १४॥

ratnasānunivāsaika vandyapādāmbujāya ca .
namastrailokyanāthāya rāmāyāpannivāriṇe .. 14..

संसारबन्ध मोक्षैकहेतुदामप्रकाशिने ।
नमः कलुषसंहर्त्रे रामायापन्निवारिणे ॥ १५॥

saṃsārabandha mokṣaikahetudāmaprakāśine .
namaḥ kaluṣasaṃhartre rāmāyāpannivāriṇe .. 15..

पवनाशुगसङ्क्षिप्तमारीचादिसुरारये ।
नमो मखपरित्रात्रे रामायापन्निवारिणे ॥ १६॥

pavanāśugasaṅkṣiptamārīcādisurāraye .
namo makhaparitrātre rāmāyāpannivāriṇe .. 16..

दाम्भिकेतरभक्तौघमहानन्दप्रदायिने ।
नमः कमलनेत्राय रामायापन्निवारिणे ॥ १७॥

dāmbhiketarabhaktaughamahānandapradāyine .
namaḥ kamalanetrāya rāmāyāpannivāriṇe .. 17..

लोकत्रयोद्वेगकरकुम्भकर्णशिरश्छिदे ।
नमो नीरददेहाय रामायापन्निवारिणे ॥ १८॥

lokatrayodvegakarakumbhakarṇaśiraśchide .
namo nīradadehāya rāmāyāpannivāriṇe .. 18..

काकासुरैकनयनहरल्लीलास्त्रधारिणे ।
नमो भक्तैकवेद्याय रामायापन्निवारिणे ॥ १९॥

kākāsuraikanayanaharallīlāstradhāriṇe .
namo bhaktaikavedyāya rāmāyāpannivāriṇe .. 19..

भिक्षुरूप समाक्रान्तबलिसर्वैकसम्पदे ।
नमो वामनरूपाय रामायापन्निवारिणे ॥ २०॥

bhikṣurūpa samākrāntabalisarvaikasampade .
namo vāmanarūpāya rāmāyāpannivāriṇe .. 20..

राजीवनेत्रसुस्पन्दरुचिराङ्गसुरोचिषे ।
नमः कैवल्यनिधये रामायापन्निवारिणे ॥ २१॥

rājīvanetrasuspandarucirāṅgasurociṣe .
namaḥ kaivalyanidhaye rāmāyāpannivāriṇe .. 21..

मन्दमारुतसंवीतमन्दारद्रुमवासिने ।
नमः पल्लवपादाय रामायापन्निवारिणे ॥ २२॥

mandamārutasaṃvītamandāradrumavāsine .
namaḥ pallavapādāya rāmāyāpannivāriṇe .. 22..

श्रीकण्ठचापदलनधुरीणबलबाहवे ।
नमः सीतानुषक्ताय रामायापन्निवारिणे ॥ २३॥

śrīkaṇṭhacāpadalanadhurīṇabalabāhave .
namaḥ sītānuṣaktāya rāmāyāpannivāriṇe .. 23..

राजराजसुहृद्योषार्चितमङ्गलमूर्तये ।
नम इक्ष्वाकुवंश्याय रामायापन्निवारिणे ॥ २४॥

rājarājasuhṛdyoṣārcitamaṅgalamūrtaye .
nama ikṣvākuvaṃśyāya rāmāyāpannivāriṇe .. 24..

मञ्जुलादर्शविप्रेक्षणोत्सुकैकविलासिने ।
नमः पालितभक्त्ताय रामायापन्निवारिणे ॥ २५॥

mañjulādarśaviprekṣaṇotsukaikavilāsine .
namaḥ pālitabhakttāya rāmāyāpannivāriṇe .. 25..

भूरिभूधरकोदण्डमूर्तिध्येयस्वरूपिणे ।
नमोऽस्तु तेजोनिधये रामायापन्निवारिणे ॥ २६॥

bhūribhūdharakodaṇḍamūrtidhyeyasvarūpiṇe .
namo’stu tejonidhaye rāmāyāpannivāriṇe .. 26..

योगीन्द्रहृत्सरोजातमधुपाय महात्मने ।
नमो राजाधिराजाय रामायापन्निवारिणे ॥ २७॥

yogīndrahṛtsarojātamadhupāya mahātmane .
namo rājādhirājāya rāmāyāpannivāriṇe .. 27..

भूवराहस्वरूपाय नमो भूरिप्रदायिने ।
नमो हिरण्यगर्भाय रामायापन्निवारिणे ॥ २८॥

bhūvarāhasvarūpāya namo bhūripradāyine .
namo hiraṇyagarbhāya rāmāyāpannivāriṇe .. 28..

योषाञ्जलिविनिर्मुक्त लाजाञ्चितवपुष्मते ।
नमस्सौन्दर्यनिधये रामायापन्निवारिणे ॥ २९॥

yoṣāñjalivinirmukta lājāñcitavapuṣmate .
namassaundaryanidhaye rāmāyāpannivāriṇe .. 29..

नखकोटिविनिर्भिन्नदैत्याधिपतिवक्षसे ।
नमो नृसिंहरूपाय रामायापन्निवारिणे ॥ ३०॥

nakhakoṭivinirbhinnadaityādhipativakṣase .
namo nṛsiṃharūpāya rāmāyāpannivāriṇe .. 30..

मायामानुषदेहाय वेदोद्धरणहेतवे ।
नमोऽस्तु मत्स्यरूपाय रामायापन्निवारिणे ॥ ३१॥

māyāmānuṣadehāya vedoddharaṇahetave .
namo’stu matsyarūpāya rāmāyāpannivāriṇe .. 31..

मितिशून्य महादिव्यमहिम्ने मानितात्मने ।
नमो ब्रह्मस्वरूपाय रामायापन्निवारिणे ॥ ३२॥

mitiśūnya mahādivyamahimne mānitātmane .
namo brahmasvarūpāya rāmāyāpannivāriṇe .. 32..

अहङ्कारेतरजनस्वान्तसौधविहारिणे ।
नमोऽस्तु चित्स्वरूपाय रामायापन्निवारिणे ॥ ३३॥

ahaṅkāretarajanasvāntasaudhavihāriṇe .
namo’stu citsvarūpāya rāmāyāpannivāriṇe .. 33..

सीतालक्ष्मणसंशोभिपार्श्वाय परमात्मने ।
नमः पट्टाभिषिक्ताय रामायापन्निवारिणे ॥ ३४॥

sītālakṣmaṇasaṃśobhipārśvāya paramātmane .
namaḥ paṭṭābhiṣiktāya rāmāyāpannivāriṇe .. 34..

आपदामपहर्तारं दातारं सर्वसम्पदाम् ।
लोकाभिरामं श्रीरामं भूयो भूयो नमाम्यहम् ॥ ३५॥

āpadāmapahartāraṃ dātāraṃ sarvasampadām .
lokābhirāmaṃ śrīrāmaṃ bhūyo bhūyo namāmyaham .. 35..

फलश्रुति
इमं स्तवं भगवतः पठेद्यः प्रीतमानसः ।

phalaśruti
imaṃ stavaṃ bhagavataḥ paṭhedyaḥ prītamānasaḥ .

प्रभाते वा प्रदोषे वा रामस्य परमात्मनः ॥ १॥
स तु तीर्त्वा भवाम्भोधिमापदस्सकला अपि ।

prabhāte vā pradoṣe vā rāmasya paramātmanaḥ .. 1..
sa tu tīrtvā bhavāmbhodhimāpadassakalā api .

रामसायुज्यमाप्नोति देवदेवप्रसादतः ॥ २॥
कारागृहादिबाधासु सम्प्राप्ते बहुसङ्कटे ।

rāmasāyujyamāpnoti devadevaprasādataḥ .. 2..
kārāgṛhādibādhāsu samprāpte bahusaṅkaṭe .

अपन्निवारकस्तोत्रं पठेद्यस्तु यथाविधि ॥ ३॥
संयोज्यानुष्टुभं मन्त्रमनुश्लोकं स्मरन् विभुम् ।

apannivārakastotraṃ paṭhedyastu yathāvidhi .. 3..
saṃyojyānuṣṭubhaṃ mantramanuślokaṃ smaran vibhum .

सप्ताहात्सर्वबाधाभ्यो मुच्यते नात्र संशयः ॥ ४॥
द्वात्रिंशद्वारजपतः प्रत्यहं तु दृढव्रतः ।

saptāhātsarvabādhābhyo mucyate nātra saṃśayaḥ .. 4..
dvātriṃśadvārajapataḥ pratyahaṃ tu dṛḍhavrataḥ .

वैशाखे भानुमालोक्य प्रत्यहं शतसङ्ख्यया ॥ ५॥
धनवान् धनदप्रख्यस्स भवेन्नात्र संशयः ।

vaiśākhe bhānumālokya pratyahaṃ śatasaṅkhyayā .. 5..
dhanavān dhanadaprakhyassa bhavennātra saṃśayaḥ .

बहुनात्र किमुक्तेन यं यं कामयते नरः ॥ ६॥
तं तं काममवाप्नोति स्तोत्रेणानेन मानवः ।

bahunātra kimuktena yaṃ yaṃ kāmayate naraḥ .. 6..
taṃ taṃ kāmamavāpnoti stotreṇānena mānavaḥ .

यन्त्रपूजाविधानेन जपहोमादितर्पणैः ॥ ७॥
यस्तु कुर्वीत सहसा सर्वान् कामानवाप्नुयात् ।

yantrapūjāvidhānena japahomāditarpaṇaiḥ .. 7..
yastu kurvīta sahasā sarvān kāmānavāpnuyāt .

Description

Prayer to Lord Rama. Lord Shree Rama, the avatar of Lord Vishnu is born in treta yuga, re-established dharma in his lifetime by being an example for all. An accomplished warrior and a sticker for ethics, Rama is beloved to all Indians. Always depicted with a bow and arrow, He is seen as a protector of all.

Benefits of reciting this prayer:
1. Protection
2. Courage.
3. Cure Illness.
4. Good health.
5. Success.

Other Rama Shlokams

Sri Rama Apaduddharaka Stotram – Rama – In Sanskrit with English Transliteration, Translation and Meaning. Commentary for selected Shlokams.